~ A7BaB..}

{ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ}
 
الرئيسيةالبوابةس .و .جبحـثالأعضاءالمجموعاتالتسجيلدخول

شاطر | 
 

 ماكـذبت أمــي علّــي ..

اذهب الى الأسفل 
كاتب الموضوعرسالة
وطن الفرح ..{
ح ـبوبة / NeW
ح ـبوبة / NeW
avatar

الجنس : انثى عدد الرسائل : 38
تاريخ التسجيل : 14/01/2009

مُساهمةموضوع: ماكـذبت أمــي علّــي ..   الجمعة أبريل 10, 2009 1:22 pm

مرحبا يا الله حيهم مرحبا
وش أخباركـم ؟ قلب
بمناسبة غيابي عن المطرسة غداً
تفضلوا هالموضوع ضحك >> أول موضوع


ماكذبت أمي عليّ .. يوم قالت ..
ياجنيني ...

لاتنام إلا متوضي ...
وصل .. لله ركعتين ..
واقرأ لك لو آيتين ..
وارفع يديك وتضرع .. بالدعاء ..
يشرق النور بجبينك ..
ماتجيك أحلام توحش ..
وماتقوم الصبح ..
مهموم .. وحزين ..


ماكذبت أمي عليّ .. يوم قالت ..

ياجنيني ...

لاتفرط في صلاتك ..
ولايغرك حب ذاتك ..
ولايبل الريق مسكر ..
حتى لو يبست لهاتك ..


ياجنيني ..
إحرص .. تصلي جماعة ..
وكل ساعة ..
راقب الله في حياتك ..


ماكذبت أمي عليّ .. يوم قالت ..
ياجنيني ...

لاتصير إنسان جارح ..
اضحك بوجه الجميع ..
عامل الناس بتسامح ..
لاتفرط في حقوقك ...
لاتجامل في النصائح ..
ولاتثور .. تصير فاضح ..
وإن لمست عيب صاحب ..
لاتنافق .. ولاتصارح ..
وانتبه من هالنصيحة ..
لاتصير إنسان غامض ..
ولاتصير إنسان واضح


ماكذبت أمي عليّ .. يوم قالت ..

ياجنيني ...


احذر .. أولادك ومالك ..
لاتجافيهم وتقسى ..
ولاتبالغ في دلالك ..
ربهم بالخير .. تربح
وعلم النفس القناعة ..
وعلم القلب الشجاعة ..
ولاتغطي العين وتحلم
وتخدع الرأي بخيالك ..


ماكذبت أمي عليّ .. يوم قالت ..

ياجنيني ...

انتبه .. لاتبني دارك
قبل ماتختار جارك
وفكر بحق المجورة!!!
لايحس إنك ظلمته ..
وإلا إنك يوم خنّته ..
وإلا توذيه بصغارك ..


ماكذبت أمي عليّ .. يوم قالت ..
ياجنيني ...

إن وعدتَ وعد .. فاصدق
احذر تزل بلسانك ..
أو تقلل يوم شانك ..
عش عزيز النفس تسلم ..
حاجتك للناس .. علقم ..
لاتبين ضعف حالك ..
أو يغرك زود مالك ..
ولاتهين إنسان .. تندم ..
ماكذبت أمي عليّ .. يوم قالت ..

ياجنيني ...

خلك إنسان بكرامة ..
لاتغرك هالأمور ..
المناصب والقصور
فكَّر بيوم القيامة ..
فكَّر إنك ماأنت خالد ..
رحلة الدنيا قصيرة ..
تلقى نفسك في سلامة ..


ماكذبت أمي علّي .. يوم قالت ..
ياجنيني ...

احذر تصير البخيل ..
واحذر تبذر وتطّغى
واحذر تعيش بخساسه ..
أو ذليل ..
ولاتنام بيوم خالي ..
بدون لاتفعل جميل ..
تلقى نفسك في معزه ..
تلقى روحك في شموخ ..


ياجنيني ..

عش أصيل ....
ومت أصيل ..


ماكذبت أمي عليّ .. يوم قالت ..

ياجنيني ...

كل ماسويتْ فيني ..
أو في أبوك ..
تبي تشوفه من عيالك ..
ياجنيني ..
بر فينا تلقى بِرك ..
ياعسى الله لايضرك ..
والله الله ..
لاتلين بضعف تعصر
وإلا تقسى بشر تكسر


ياجنيني
اصحى .. واحذر
زوجتك تشكى وتكدر ..
لاتدقق في خطاها ..
وانتبه تكشف غطاها ..
تسعد بنعمة وفاها ..
وتلقى منها مايسرك ...


ماكذبت أمي عليّ .. يوم قالت ..

ياجنيني ...

لاتمل هموم حملك ..
ولاتظن الناس مثلك ..
واصنع أمرك من يمينك ..
لاتدور من يعينك ..
بين ربعك .. ولاأهلك ..
لاتعامل باللي تكره ..
ولا تجارم وإلا تشره...


ياجنيني .. ..
هذي وصايا ..
لاتفرط في بعضها ..
ماتتوه الشمس عينك ..
أو تتوه الأرض رجلك ..


ياجنيني

هالأمانة
حاول تحمّلها طفلك !!

........ منقول ........
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
M!SS RởNŷ
Admin
avatar

الجنس : انثى عدد الرسائل : 615
المزاج : تعبآنة :(
تاريخ التسجيل : 08/07/2008

مُساهمةموضوع: رد: ماكـذبت أمــي علّــي ..   الثلاثاء يوليو 14, 2009 2:54 pm

وآآآآو وش هالكلام اللي يقطع القلب من حلآوته قلب صياح

صآدقة بكل كلمة قآلتها صياح

ماادري اقتبس إيش وإلآ إيش ممكن!


ماادري ليش توني اشوف الموضوع غريبة! مستحية




وطن الفرح قلب

مصآفحة أولى مميــزة .. كـ صآحبتهآ حب

متشووقة أشووف المزيد من ابدآعك وردة

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://a7bab.akbarmontada.com
 
ماكـذبت أمــي علّــي ..
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
~ A7BaB..} :: المنتديات العامة :: { المنـبر الـ ح ـر .. بلآ قيــود...! / { نسائمـ إيمـانية ..~-
انتقل الى: